Skilti utandyra:
Eitt lítið kort, við bílaplanið, sýnir hvar á svæðinu þjónustu, upplýsingar, afþreyingu, rútustæði og upphaf gönguleiða er að finna.

Skilti vegagerðarinnar, milli skála og snyrtingar, með vegakorti af hálendinu og nokkrum almennum upplýsingum um svæðið. 

Glerskápur, við göngupallinn milli skála og snyrtingar, með landakorti og ýmsum tilkynningum varðandi náttúruvernd og ferðaþjónustu.  Laugavegs-göngukort, einfalt, við upphafið að Laugaveginum.

Upplýsinga/kaffirúta  Fjallafangs:  Sérhönnuð þjónustu- og samgöngukort fyrir Landmannalaugar og nágrenni með kílómetrakvörðum.
Rekki með ókeypis helstu upplýsingabæklingum fyrir ferðafólk. 
Ýmis kort, upplýsingar og tilkynningar upp um loft og veggi. 

Nýjasta veðurspáin er hengd upp daglega upp úr hádegi. 
Nýjasti Mogginn kemur um leið. 
Helstu landakort og sérkort til sölu í búðinni við hliðina. 
Þar er líka hægt að fá eitthvað af munnlegum upplýsingum.

Landvörður:  Hann er sá eini sem formlega er ráðinn til að veita upplýsingar, en starfssvið hans er svo feiknastórt og ráðningartími svo stuttur að það er alger hending ef hægt er að hafa upp á honum til að fá fræðslu eða ráðgjöf.

Skáli og skálaverðir F.Í.:  Upphleypt landakort, Laugavegskort og nokkrar tilkynningar á veggjum. 
Á skrifstofunni, eða á þönum um svæðið, eru skálaverðirnir með svör á reiðum höndum um flest sem varðar aðstöðu og ferðamál Landmannalauga og um helstu gönguleiðir.