Hálendismiðstöðin í Hrauneyjum er eini staður svæðisins sem býður upp á eitthvað í líkingu við hótelþjónustu. 
Lengra inn til fjalla er aðeins um fjallaskála að ræða, vilji fólk sofa í húsi. 

Við Áfangagil undir Valafelli er xx manna skáli, við Landmannahelli eru 4 gistihús fyrir samtals 64 manneskjur, í Landmannalaugum er 120 manna skáli og uppi við Hrafntinnusker er skáli sem tekur xx manns. 

Sé Laugaveginum fylgt áfram suður til Þórsmerkur, þá eru líka skálar á þeirri leið. 

Allir þessir skálar eiga það sameiginlegt að það þarf að panta gistingu með góðum fyrirvara.  Salerni og eldunaraðstaða fylgir þeim öllum en bestur er aðbúnaðurinn við Landmannahelli og í Landmannalaugum. 
Tjaldstæði eru við alla skálana og við hálendismiðstöðina.  Ekki þarf að panta tjaldgistingu. 

Innan friðlandsins er óheimilt að tjalda nema við Landmannahelli, í Landmannalaugum og við Hrafntinnusker.  Það sama á við um gistingu í bílum og fellihýsum að innan friðlands er hún einungis leyfileg við Landmannahelli og í Landmannalaugum.