Við erum...

Myndlistarmenn, verslunarrekendur, veðurathugunarmenn, teiknimyndasöguhöfundar, upplýsingaþjónustuaðilar, landbúnaðarverkamenn, heimasíðusmiðir, silungsveiðimenn, norðurljósaathugendur, teiknarar, fiskverkunarfólk, vitaverðir, textahöfundar, matreiðslufólk, hundatemjarar, bókbindarar, bílstjórar, smalar, afgreiðslufólk, hugmyndasmiðir, ljósmyndarar, ræstitæknar, ferðamenn, fræðimenn, auglýsingahönnuðir, heimspekingar og vegagerðarmenn.

En ef við þurfum að sanna það með pappírum, þá erum við bara útskrifaðir myndlistarmenn og annað okkar með bílpróf, auk þess að vera skráðir meðlimir í verslunarveldinu Fjallafangi.

Svo má líka orða það svona:  Við erum, hvort um sig, sambland af letingjum og dugnaðarforkum, félagsverum og mannafælum, stórborgarbörnum og sveitafólki, ævintýrafólki og heima-er-best-liði, fíflum og alvörugefnum einstaklingum.