Útivistin er náttúrulega númer eitt, því óvíða er náttúruskoðun jafn gefandi (sjá betur umfjöllun um gönguleiðir og reiðleiðir). 
Aðall staðarins er heita laugin.  Margir koma gagngert til að fara í hana.  Hægt er að kaupa veiðileifi í búð Fjallafangs.Veiðileyfin eru seld fyrir veiðifélag Rangárþings ytra og stendur sala þeirra utanvið hagsmuni Fjallafangs að öðru leyti en því að þetta gerir þjónustuna fjölbreyttari. Leyfið á stöngina yfir daginn kostar 1.000 kr. og eittþúsund kr. að auki, sem fást endurgreiddar þegar veiðiskýrslunni er skilað.

  Vötnin eru ekki á Laugasvæðinu sjálfu en aðal veiðivatnið, Frostastaðavatn, er í viðráðanlegu göngufæri.  Eins má eltast við silunginn í heita vaðinu. 

Mannlífsskoðun er spennandi, því flestum tegundum mannskepnunnar ægir þarna saman.  Lítil aðstaða er til innanhússafþreyingar í illviðrum, en uppi eru hugmyndir innan F.Í um aukinn húsakost. 

Upplýsinga/kaffirúta Fjallafangs hefur sæti fyrir 17 manns.  Þar er t.d. hægt að spila á spil eða skrifa á póstkort (spil og póstkort fást í búðinni við hliðina).  Þar er líka smá bókasafn og er leifilegt að fara með bækur út í tjald eða skála.  Börnin (og feðurnir) mega stýra rútunni.