FRÉTTIR - NEWS


  
 .
found


 

 
á Landmannalaugar.info
á íslenskum síðum
allstađar

Hér snýst allt  um Landmannalaugar og Landmannaafrétt, sem eru með vinsælustu  og fallegustu svæðum landsins, ef ekki alls heimsins.

Varúð, upplýsingarnar á ţessari síðu eru byggðar á persónulegri getu, smekk og reynslu höfunda hennar.

Þetta er ekki löggilt fræðimannaverk en höfundarnir hafa samt mikla getu, góðan smekk og víðtæka reynslu.  Nokkrar heimildir: hér. Innihaldiðbreytist stöðugt til batnaðar. Athugasemdir?

 


 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 



Maí 2005

Áfangagil
Færð og tíðarfar
Vöruframboð í Fjallafangsrútunni
Gas(vanda)mál
Landmannalaugar - kort fyrir göngufólk -
ný útgáfa - 2005

Heimasíðuhorfur
Skála- og landverðir
Almenningssamgöngur
Veiðivarsla
Hanomag meeting in Landmannnalaugar

 

Áfangagil

Gistirými í Áfangagili er orðið uppbókað í nokkrar vikur í sumar. Þetta er augljóst dæmi um það hve ásóknin í ferðir á hálendinu er orðin mikil. Staðurinn er fallegur og friðsæll en hefur hingað til ekki verið í alfaraleið fjöldatúrismans. Í fyrsta skipti í sögu staðarins verður, nú í sumar, höfð þar skálavarsla. Meðlimir Áfanga (svo heitir félagið sem stendur að gistiþjónustunni), hafa orðið sér úti um færanlegt húsnæði sem þeir búa í, meðan á vertíðinni stendur. Þeir sem ætla að gista í Áfangagili í sumar þurfa greinilega að fara að gera ráðstafanir. Síminn hjá Áföngum er 845 9500.

Færð og tíðarfar

Nú seinnipart apríl er orðið ófært inn í Laugar vegna krapa og leysinga og leiðum þangað hefur verið lokað. Búist er við að leiðin þangað, frá Sigöldu, verði opnuð vart seinna en í fyrra, þ.e. snemma í maí. Varla þarf að taka fram mikilvægi þess að umferðarbannið sé virt.

Vöruframboð í Fjallafangsrútunni

Það verður í megindráttum boðið upp á sömu vörur, verð og þjónustu í verslun okkar eins og tvö síðustu sumur. Úrval af heilsuvörum verður aukið, einkum á helstu soja-vörum. Það er allt útlit fyrir að gasmál verði í góðum málum hjá okkur og öðrum landsmönnum þetta sumarið. Minjagripir eru ekki á dagskránni, nema þeir séu hagnýtir, eins og margur góður lopavarningur og póstkort. Þó viljum við með stolti kynna til sögunnar loðsilunga sem listamaðurinn Marian Edna Gierman hannaði og framleiddi sérstaklega fyrir þessa verslun. Þeir verða vart fleiri en tíu talsins, hvergi annarsstaðar fáanlegir, þæfðir úr íslenskri ull. Kaffi, te og kakó er það eina sem við bjóðum upp á heitt. Upplýsingar veitum við fúslega eftir því sem við höfum vit á og tíma til. Veiðileyfi seljum við áfram og höfum ekki enn heyrt annað en að þau haldi áfram að vera ódýr.

Gas(vanda)mál

Loksins lítur út fyrir að hið pínlega vandamál gasskortur, ætli að verða úr sögunni. Nýjustu fregnir herma að nóg verði til af bláu einnota Campinggaz kútunum sem skort hefur undanfarin síðsumur og orsakað margan kuldann og hungrið. Bílanaust hefur tekið við innflutningi og dreyfingu á þessum varningi og er það einlæg ósk okkar og annarra sem að ferðaþjónustu standa, að þeir standi sig betur en olíufélögin gerðu. Fjallafang er strax búið að leggja inn stóra pöntun.

Landmannalaugar - kort fyrir göngufólk - ný útgáfa

Í fyrra gáfum við út göngukort fyrir Landmannalaugasvæðið. Það nýttist fólki ágætlega og seldist þokkalega vel. Það var ekki síst leiðalýsingum á fjórum tungumálum að þakka. Kortið er strax orðið úrelt, því gerður var munur á merktum og ómerktum gönguleiðum, en í fyrrasumar var einmitt stikaður hellingur af leiðum. Því gefum við út nýtt kort þetta árið. Reyndar eru það tvö kort - annað með yfirborðslitum og skyggingum, eins og í fyrra, en hitt með litabreytingum eftir hæð yfir sjávarmáli. Mörgum gengur betur að rata eftir slíku korti. Nú hefur fólk val. Fyrir vikið er blaðið helmingi stærra, þar sem kortin eru tvö, en þá gafst um leið pláss til að stækka stafina, svo að textinn yrði læsilegri. Ýmsar fleiri breytingar voru gerðar, svo auka mætti læsileika og upplýsingagildi. Því miður verður ekki komist hjá því að selja þetta kort á eitthvað hærra verði en litla kortið í fyrra.

up

Heimasíðuhorfur

Eins og venjulega, þá þýðir ekkert að senda okkur tölvupóst á sumrin, því þá erum við ekki nettengd. Undanfarin vor höfum við bent fólki á að bíða með það fram á haustin. Nú getum við engu lofað, því haustið verður tími annríkis. Við erum að flytja í eigið húsnæði. Það eitt að innrétta tölvuaðstöðu tekur sinn tíma. Við þurfum að fara að hugsa um atvinnu og peninga, eins og venjulegt fólk, auk þess sem sífellt fleiri uppgötva teikni- og hönnunarhæfileika okkar. Allt þetta kemur til með að bitna á heimasíðunni. Það er miður að því leiti að farin var af stað mikil vinna við tvo nýja kafla, þar sem fleiri lögðu hönd á plóginn en við ein. Það er leiðinlegt ef hugsjónarík sjálfboðavinna fer í súginn. Annar kaflinn er atburðalisti í tímaröð yfir allt það helsta sem gerst hefur á afréttinum. Hinn kaflinn er tilraun til að grafast fyrir um uppruna sem flestra örnefna svæðisins. Við verðum bara að vona að sú tíð komi að aftur vinnist tími til að halda þessu verki áfram. Við þökkum öllum sem lögðu okkur lið og viljum þar sérstaklega nefna Olgeir Engilbertsson fjallferðamann til nokkurra áratuga, Hauk Jóhannesson jarðfræðing og fyrrverandi forseta Ferðafélags Íslands og starfsfólk Örnefnastofnunar.

Skála- og landverðir

Við höfum ekki fengið neinar áreiðanlegar heimildir um það hverjir verði skálaverðir í Landmannalaugum í sumar. Reyndar höfum við heyrt nöfn gamalla vinkvenna nefnd, rétt til að auka okkur bjartsýni. Sama með landvörðinn. Helgi Hjörleifsson, sem var orðinn fastari hluti friðlandsins en steinarnir þar, færir sig örlítið um set. Hann og eiginkona hans, María Jónsdóttir, fyrrverandi Hrafntinnuskers- og Landmannalaugaskálaverja hafa fengið ást á staðnum sem þau giftu sig á og ætla að vinna þar í sumar. Það er Landmannahellir. Í Áfangagili verður skálavarsla í fyrsta sinn í sögu staðarins og ætla staðarhaldarar að skiptast á um að sitja yfir.

Almenningssamgöngur

Austurleið-Kynnisferðir byrjar með áætlunarferðir sínar frá Reykjavík til Landmannalauga þann 10. júní. Búið er að gefa út bækling þar sem allar rútusamgöngur landsins gefur að líta á einni skíringarmynd.

Veiðivarsla

Hert veiðieftirlit við vötn á Landmannaafrétti, sunnan Tungnaár, skilaði góðum árangri í fyrra. Því verður haldið áfram og eru það sömu aðilarnir sem sjá um starfið, þau Kata og Nils í Fjallafiski.
  2.Hanomag A-128 meeting. Landmannalaugar
Iceland.  15.- 17.July 2005
Info -www.islandhanomag.de
Günter Eisenhardt
hanomag 2005
 
  Litlar sögur

Ljótir andarungar
og litlar gular hćnur
hæna
Nöldur og nagg
fiskur
Blandaðir ávextir
diskur
Örverpi
egg

 

 

 

 

 

 

 

 

 

 

 

 

 

 

 

 

 

 

 

 

 



 
   Nína Ivanova & Ómar Smári Kristinsson © 2003—2008


last updated - 29.04.2017